Wedi’i leoli yn Ysbyty Castell-nedd Port Talbot, mae’r tîm Lles drwy Waith yn cyflwyno Gwasanaeth Cymorth yn y Gwaith ledled Abertawe, Castell-nedd Port Talbot a Phen-y-bont ar Ogwr, mewn partneriaeth â Llywodraeth Cymru a Bwrdd Iechyd Prifysgol Bae Abertawe.
Mae’r Gwasanaeth Cymorth yn y Gwaith yn cael ei gyllido’n rhannol gan Gronfa Gymdeithasol Ewrop drwy Lywodraeth Cymru ac mae’n darparu cymorth am ddim a chyfrinachol i bobl gyflogedig a hunangyflogedig sydd â phroblemau iechyd sy’n effeithio arnynt yn eu gwaith.
Gall ein gwasanaeth cyfrinachol, am ddim eich helpu chi i gadw'n iach yn y gwaith. Gall ein therapyddion GIG proffesiynol eich helpu chi i ddychwelyd i'r gwaith yn gynt ar ôl absenoldeb salwch, neu reoli eich cyflwr yn fwy effeithiol yn y gweithle.
Hefyd mae’r Gwasanaeth yn darparu Rhaglenni Iechyd Gweithle am ddim i fusnesau bach a chanolig lleol sydd eisiau gweithredu’n rhagweithiol er mwyn hybu a chefnogi iechyd a lles staff.
Gall ein cymorth busnes gefnogi cyflogwyr i greu gweithleoedd hapusach, iachach a mwy cynhyrchiol. Mae ein Rhaglenni Iechyd Gweithle yn darparu cymorth a hyfforddiant lles am ddim sy'n gallu helpu i leihau absenoldeb salwch a gwella cynhyrchiant.
